გურიის ზღვისპირა კურორტები

გურიის საზღვაო კურორტებზე დაფიქრსებისას უპირველესად ყველას ურეკი ახსენდები. თუმცა ურეკის გარდა გურიის სანაპირო ზოლში კიდევ რემდენიმე კურორტია. ურეკის ჩრდილოეთით გრიგოლეთია, სამხრეთით  კი კაპროვანი – ფიჭვნარში  ჩაფლული დასახლებები  წყნარი  და მშვიდი დასვენებისთვის. კაპროვანის  სამხრეთით, აჭარის საზღვრამდე შეკვეთილია, რომელსაც უკვე მთელი საქართველო იცნობს თანამედროვე გასართობი ობიექტების გამო, მათ შორის Black Sea Arena – ყველაზე დიდი საკონცერტო დარბაზი საქართველოში,  მუსიკოსების პარკი, თემატური პარკი „საქართველო მინიატურებში“ და ატრაქციონების პარკი „ციცინათელა“.

გურიის მთლიანი  სანაპირო ქობულეთიდან  ფოთამდე მაგნიტური  ქვიშის  პლაჟია,  რომელიც  სასარგებლოა გულ-სისხლძარღვთა სისტემის, სუნთქვის ორგანოების  და საყრდენ-მამოძრავებელი  ორგანოების, ნევროზის  სამკურნალოდ.  ზღვის  დონე ნაპირთან  დაბალია  და 20-40 მეტრის  მანძილზე ადამიანს ყელამდე  არ სწვდება, ეს განსაკუთრებით ხელსაყრელია ისეთი ოჯახებისთვის, რომლებიც მცირეწლოვან ბავშვებთან ერთად ისვენებენ. გურიის ზღვისპირეთში შესაძლებელია განსაკუთრებული თევზეულის დაგემოვნებაც. აღსანიშნავია წყალწმინდის თევზის ბაზარი ადგილობრივი, მრავალფეროვანი არჩევანით.