 |
ოზურგეთის მუნიციპალიტეტის საკრებულოსა და ოზურგეთის მუნიციპალიტეტის ინიციატივით, ასევე, კულტურისა და ძეგლთა დაცვის სამინისტროს, საქართველოს ფოლკლორის სახელმწიფო ცენტრისა და საქართველოს ქორეოგრაფიის მოღვაწეთა შემოქმედებითი კავშირის თანხმობით, 2015 წლის 7 ივლისს ოზურგეთის მუნიციპალიტეტის სოფ. ცხემლისხიდში, საკუთარ სახლში, გაიხსნა საქართველოს სახალხო არტისტის, საქართველოს დამსახურებული ინჟინრის გიორგი სალუქვაძის სახლ-მუზეუმი.
მუზეუმში არის ეთნოგრაფიული გარემო, გურული კარმიდამოსთვის დამახასიათებელი შენობა-ნაგებობები; გიორგი სალუქვაძის სამუზეუმო ექსპონატები, საინფორმაციო სტენდები. აქ ტრადიციულად იმართება
სხვადასხვა ტიპის ფოლკლორული ღონისძიება და ხდება ტრადიციული გურული კალანდის დღესასწაულის აღნიშვნა.